№2 Саумалкөл мектеп-гимназиясының бастауыш сыныптар арасындағы «Білім шыңының баспалдағы- бастауышта» атты онкүндігі жалғасып жатыр. Бүгін жоспар бойынша 13-қаңтар күні 1-4 сыныптар арасында «Спорт – біздің серігіміз» атты дене шынықтыру пән мұғалімдерінің ұйымдастыруымен эстафеталық сайыс өткізілді. Сайыс барысында оқушылар түрлі спорттық жаттығулар жасап, «Қос аяқтап секіру» , «Допты шекіп жүру», «Секіртпемен жүгіру», «Кім шапшаң?» т.б тапсырмаларын орындап,түрлі кедергілерден сүрінбей өте білді. Әр топ өздерінің спортқа деген қызығушылығын көрсетіп, жеңімпаз атанды. Сайыс соңында жеңімпаздар бірінші, екінші, үшінші дәрежелі дипломдармен марапатталды.